Mount Lewotobi” ఇండోనేశియాలో మౌంట్ లేవోటోబి లాకి-లాకి అగ్నిపర్వతం సోమవారం మూడోసారి విస్ఫోటనం చెంది, దాదాపు 18 కిలోమీటర్ల ఎత్తులో బూడిద మేఘాన్ని ఆకాశంలోకి వెదజల్లింది. ఈ ఏడాది ఇది లాకి-లాకి యొక్క మూడవ ఎరప్షన్ కావడం విశేషం.
అధికారులు తెలిపిన మేరకు ఇప్పటివరకు ఎటువంటి ప్రాణనష్టం లేదా ఆస్తినష్టం నమోదు కాలేదని పేర్కొన్నారు.
“లేవోటోబి లాకి-లాకి అగ్నిపర్వతం పేలింది… బూడిద మేఘం ఎత్తు సుమారు 18,000 మీటర్లు (18 కిలోమీటర్లు) నమోదైంది,” అని అధికారులు వెల్లడించారు.
ప్రమాదకర లాహార్ వరదల హెచ్చరిక
వర్షం కురిస్తే, అగ్నిపర్వత పదార్థాల ముద్దతో కూడిన లాహార్ వరదలు సంభవించే ప్రమాదం ఉందని అధికారులు హెచ్చరించారు. ఇవి మట్టి, రాళ్ళు, బూడిదలు మిశ్రమమైన భారీ ప్రవాహాలు కావడం వల్ల అత్యంత ప్రమాదకరంగా మారవచ్చు.
జూన్ నెలలో ఘన విస్ఫోటనం
జూన్ 18న జరిగిన ఎరప్షన్ అనంతరం, అగ్నిపర్వత హెచ్చరిక స్థాయి గరిష్ఠంగా పెంచబడింది. అప్రమత్తంగా ఉండేందుకు నిషేధిత ప్రాంతాన్ని 7 కిలోమీటర్ల పరిధికి విస్తరించారు.
ఆ విస్ఫోటన సమయంలో 10 కిలోమీటర్ల ఎత్తులో బూడిద వర్షం కురవడంతో, ఆ ప్రాంతంలోని గ్రామాలను ఖాళీ చేయాల్సి వచ్చింది. అలాగే బాలీకి వెళ్లే/వచ్చే అనేక విమానాలు రద్దు చేయబడ్డాయి.
గత ఏడాది ఘోర విపత్తు
2024 నవంబరులో జరిగిన మరో విస్ఫోటనంలో కనీసం 9 మంది మరణించగా, మరో అనేక మంది గాయపడ్డారు.
అగ్నిపర్వతాల దేశం – ఇండోనేషియా
ఇండోనేషియా పసిఫిక్ “రింగ్ ఆఫ్ ఫైర్” ప్రాంతంలో ఉన్నందున ప్రపంచంలో అత్యధిక అగ్నిపర్వతాలున్న దేశాల్లో ఒకటి. ఇది వరుసగా అగ్నిపర్వత విస్ఫోటనలకు ప్రబలమైన ప్రాంతం.
లాకి-లాకి మరియు పెరెంపుయన్
మౌంట్ లేవోటోబి లాకి-లాకి అగ్నిపర్వతం పక్కనే ఉన్న మౌంట్ పెరెంపుయన్ అనే మరో అగ్నిపర్వతం ఉంది. ఇది 1,703 మీటర్ల ఎత్తులో ఉన్నప్పటికీ, లాకి-లాకికి కంటే తక్కువ చురుకుగా ఉంటుంది.
Erupsi Gunung Lewotobi Laki-Laki
Telah terjadi erupsi Gunung Lewotobi Laki-laki di Kabupaten Flores Timur, Nusa Tenggara Timur (NTT) pada tanggal 7 Juli 2025 pukul 11:05 WITA.
Erupsi teramati dengan tinggi kolom abu teramati ± 18.000 m di atas puncak (± 19.584 m di atas… pic.twitter.com/tHNDBO4p8g
— Radio PRFM (@PRFMnews) July 7, 2025
