శాతవాహన విశ్వవిద్యాలయంలో మెగా జాబ్ మేళా
కరీంనగర్ : శాతవాహన యూనివర్సిటీ మరియు నిపుణ హ్యూమన్ డెవలప్‌మెంట్ సొసైటీ సంయుక్త ఆధ్వర్యంలో వర్సిటీ ప్రాంగణంలో ఒక భారీ ఉద్యోగ మేళా (మెగా జాబ్ ఫెయిర్) నిర్వహించనున్నట్లు శాతవాహన వర్సిటీ ఉపకులపతి (వీసీ) ఆచార్య యు. ఉమేష్ కుమార్ మరియు రిజిస్ట్రార్ ఆచార్య పి. సతీష్ కుమార్ తెలిపారు.
ఈ ఉద్యోగ మేళాకు సంబంధించి వారు వివరాలు వెల్లడిస్తూ, సుమారు 50కి పైగా ప్రముఖ కంపెనీలు ఈ వేదిక ద్వారా నియామకాలు చేపట్టడానికి వస్తున్నాయని పేర్కొన్నారు. డిగ్రీ, పీజీ, బీఫార్మసీ, డీఫార్మసీ, ఎంఫార్మసీ, నర్సింగ్ మరియు ఇతర ప్రొఫెషనల్ కోర్సులు పూర్తి చేసిన అభ్యర్థులు అందరూ ఈ జాబ్ మేళాలో పాల్గొనడానికి అర్హులని వారు స్పష్టం చేశారు.
