నిరుద్యోగులకు అదిరిపోయే ఛాన్స్: ఉచిత శిక్షణతో స్వయం ఉపాధి.. ఈ కోర్సులకు దరఖాస్తు చేసుకోండి!

పెద్దపల్లి, ఫిబ్రవరి 22: గ్రామీణ ప్రాంతాల్లోని నిరుద్యోగ యువత సొంతంగా వ్యాపారాలు ప్రారంభించి, ఆర్థికంగా స్థిరపడాలనే లక్ష్యంతో రసేటి (RSETI) – పెద్దపల్లి సంస్థ 2026–27 ఆర్థిక సంవత్సరానికి గాను భారీ ఉచిత శిక్షణా కార్యక్రమాలను ప్రకటించింది. ఈ మేరకు సంస్థ డైరెక్టర్ రాకేష్ పరిష వివరాలను వెల్లడించారు.

శిక్షణ ఇచ్చే ప్రధాన కోర్సులు ఇవే:

యువతకు మరియు మహిళలకు ప్రస్తుతం మార్కెట్‌లో మంచి డిమాండ్ ఉన్న పలు రంగాల్లో నిపుణులచే శిక్షణ ఇప్పించనున్నారు.

• మహిళల కోసం: మగ్గం వర్క్, క్రియేటివ్ జ్యువెలరీ మేకింగ్, బ్యూటీ పార్లర్ మేనేజ్‌మెంట్.

• టెక్నికల్ & క్రియేటివ్: ఫోటోగ్రఫీ & వీడియో గ్రఫీ, సీసీ కెమెరా సర్వీసెస్.

• స్వయం ఉపాధి: కార్ డ్రైవింగ్, ఫాస్ట్ ఫుడ్ స్టాల్ నిర్వహణ, పాపడ్–పికిల్స్ & మసాలా పౌడర్ తయారీ.

• ప్రత్యేక శిక్షణలు: వికలాంగుల కోసం జనరల్ ఈడీపీ (EDP), పీఎంఈజీపీ (PMEGP), మరియు బీసీ సఖి శిక్షణలు కూడా ఉంటాయి.

ప్రభుత్వ చేయూత – బ్యాంకు రుణాలు:

ఈ శిక్షణ కేవలం కోర్సులకే పరిమితం కాకుండా, శిక్షణ పూర్తి చేసుకున్న అభ్యర్థులు సొంతంగా వ్యాపారం ప్రారంభించడానికి అవసరమైన బ్యాంకు రుణాలు, ప్రభుత్వ పథకాలపై పూర్తి అవగాహన కల్పిస్తారు. వ్యాపార ప్రణాళికలు (Business Plans) ఎలా రూపొందించుకోవాలో కూడా మార్గదర్శనం చేస్తారు.

ఎలా దరఖాస్తు చేసుకోవాలి?

ఆసక్తి ఉన్న గ్రామీణ యువతీ యువకులు తమ ఆధార్ కార్డు, విద్యార్హత పత్రాలు మరియు ఫోటోలతో రసేటి సంస్థను నేరుగా సంప్రదించాలి.

• సంప్రదించాల్సిన ఫోన్ నంబర్: 93922 21907 (కార్యాలయ పనివేళల్లో సంప్రదించగలరు).

గ్రామీణ యువత ఈ అద్భుత అవకాశాన్ని సద్వినియోగం చేసుకుని, స్వయం ఉపాధి దిశగా అడుగులు వేయాలని డైరెక్టర్ రాకేష్ పరిష కోరారు.