న్యూయార్క్, మార్చి 7: గూగుల్ మాతృసంస్థ ‘అల్ఫాబెట్’ తన సీఈఓ సుందర్ పిచాయ్పై కాసుల వర్షం కురిపించింది. ఆయన నాయకత్వంలో కంపెనీ సాధిస్తున్న అద్భుతమైన లాభాలు, మార్కెట్ విలువను దృష్టిలో ఉంచుకుని ప్యాకేజీని భారీగా పెంచుతూ కీలక నిర్ణయం తీసుకుంది. రానున్న మూడేళ్ల కాలానికి గాను పిచాయ్ వేతనాన్ని ఏకంగా 692 మిలియన్ డాలర్లకు (భారత కరెన్సీలో సుమారు రూ. 6,361 కోట్లు) పెంచుతున్నట్లు ‘ది ఫైనాన్షియల్ టైమ్స్’ వెల్లడించింది.
ప్యాకేజీ వివరాలు ఇలా:
సుందర్ పిచాయ్కు ప్రకటించిన ఈ భారీ మొత్తంలో నగదు రూపంలో ఇచ్చే జీతం కేవలం 2 మిలియన్ డాలర్లు మాత్రమే. మిగిలిన మెజారిటీ వాటా అంతా ఆయన పనితీరు ఆధారంగా ఇచ్చే స్టాక్స్ (Performance-based Stocks) మరియు పరిమిత స్టాక్స్ రూపంలో ఉండనుంది.
-
పనితీరు ఆధారిత స్టాక్స్: 126 మిలియన్ డాలర్లు.
-
పరిమిత స్టాక్స్: 84 మిలియన్ డాలర్లు.
-
అనుబంధ సంస్థల వాటా: అల్ఫాబెట్ అనుబంధ సంస్థలైన ‘వేమో’ (Waymo) లో 130 మిలియన్ డాలర్లు, ‘వింగ్ ఏవియేషన్’లో 45 మిలియన్ డాలర్ల విలువైన షేర్లను యాజమాన్యం కేటాయించింది.
అల్ఫాబెట్ ప్రస్థానంలో పిచాయ్ ముద్ర:
సుందర్ పిచాయ్ బాధ్యతలు చేపట్టిన నాటి నుండి అల్ఫాబెట్ మార్కెట్ విలువ కళ్లు చెదిరే రీతిలో వృద్ధి చెందింది. ఒకప్పుడు 535 బిలియన్ డాలర్లుగా ఉన్న కంపెనీ విలువ, ఇప్పుడు ఏకంగా 3.6 ట్రిలియన్ డాలర్లకు చేరుకుంది. 2004లో గూగుల్లో చేరిన పిచాయ్, ‘క్రోమ్’ బ్రౌజర్ అభివృద్ధిలో కీలక పాత్ర పోషించి, అంచెలంచెలుగా ఎదుగుతూ సీఈఓ స్థాయికి చేరుకున్నారు. ఆయన దార్శనికతపై ఉన్న పూర్తి నమ్మకంతోనే ఈ భారీ ప్యాకేజీని ఆమోదించినట్లు అల్ఫాబెట్ బోర్డు స్పష్టం చేసింది.
