రోడ్డు ప్ర‌మాదంలో పంచాయ‌తీ కార్య‌దర్శి మృతి

గంగాధ‌ర
రోడ్డు ప్ర‌మాదంలో పంచాయ‌తీ కార్య‌ద‌ర్శి మృతి చెందారు. గంగాధ‌ర మండ‌లం కాచిరెడ్డిప‌ల్లి గ్రామ‌పంచాయ‌తీలో విధులు నిర్వ‌ర్తిస్తున్న ర‌వీంద‌ర్ విధులు ముగించుకుని చొప్పందండికి వ‌స్తున్నాడు. ఈ క్ర‌మంలో చొప్ప‌దండి స‌మీపంలో గ‌ల పెట్రోల్ బంక్ వ‌ద్ద టిప్ప‌ర్ ఢీకొన‌డంతో అక్క‌డిక‌క్క‌డే మృతి చెందారు. మృత‌దేహాన్ని క‌రీంన‌గ‌ర్ జిల్లా ప్ర‌భుత్వ ఆస్ప‌త్రికి త‌ర‌లించారు. విష‌యం తెలుసుకున్న క‌రీంన‌గ‌ర్ జిల్లా అడిష‌న‌ల్ క‌లెక్ట‌ర్ ((స్థానిక సంస్థలు ) ప్రఫుల్ దేశాయ్, జిల్లా పంచాయతీ అధికారి వీర బుచ్చయ్య ఆస్ప‌త్రికి చేరుకుని పార్దివ దేహానికి నివాళులు అర్పించారు. ఈ సంద‌ర్భంగా అడిష‌న‌ల్ క‌లెక్ట‌ర్ మాట్లాడుతూ ప్ర‌భుత్వం నుంచి వ‌చ్చే బెనిఫిట్స్ అందిస్తామ‌ని చెప్పారు. అంత్యక్రియల క్రియల నిమిత్తం రూ. 30 వేల‌ను త్వర‌గా ఇవ్వాల‌ని జిల్లా పంచాయ‌తీ అధికారి వీర బుచ్చ‌య్య గంగాధ‌ర ఎంపీడీవోకు సూచించారు.