receptionist”
కళ్యాణ్ (మహారాష్ట్ర), జూలై 22:
మహారాష్ట్రలోని కళ్యాణ్ నగరంలో ఓ ప్రవేయిట్ హాస్పటల్ 25 ఏళ్ల మహిళా రిసెప్షనిస్ట్పై ఓ వ్యక్తి ఘోరంగా దాడి చేసిన ఘటన సోమవారం సాయంత్రం చోటుచేసుకుంది. క్యూ పాటించకుండా డాక్టర్ కేబిన్లోకి వెళ్లేందుకు ప్రయత్నించిన వ్యక్తిని ఆపటమే ఈ దాడికి కారణమైంది. ఈ దారుణ ఘటన శ్రీ బాలచికిత్సా క్లినిక్ లో జరిగింది.
ఈ ఘటనకు సంబంధించిన సీసీటీవీ వీడియో సోషల్ మీడియాలో వైరల్ అవుతోంది. వీడియోలో నిందితుడు మహిళను తన్నుతూ.. పిడిగుద్దులు గుద్దుతూ జుట్టు పట్టుకుని లాగడం స్పష్టంగా కనిపిస్తోంది.
బాధితురాలు సోనాలి… నిందితుడు గోకుల్ ఝా
పోలీసుల కథనం ప్రకారం, దాడికి గురైన మహిళను సోనాలి కలసారే (25)గా గుర్తించారు. ఆమె డా. అనికేత్ పాలాండే నిర్వహించే శ్రీ బాలచికిత్సా క్లినిక్ (నానివాలి) లో రిసెప్షనిస్ట్గా పనిచేస్తున్నారు. నిందితుడిని గోకుల్ ఝాగా గుర్తించారు.
సోనాలి, కళ్యాణ్లోని పిసావలీ గ్రామంలో నివసిస్తున్నారు. ఆమె ప్రతి రోజు ఉదయం 10 నుంచి మధ్యాహ్నం 2 గంటల వరకు, తిరిగి సాయంత్రం 6 నుంచి రాత్రి 10 గంటల వరకు క్లినిక్లో విధులు నిర్వర్తిస్తారు.
దాడి వివరాలు:
సోమవారం సాయంత్రం 6 గంటలకు సోనాలి క్లినిక్కి వచ్చారు. ఆ సమయంలో డాక్టర్ అనికేత్ అక్కడకి రాలేదు. సుమారు 4-5 పేషెంట్లు వేచి ఉన్నారు. డాక్టర్ 6:25కి చేరుకున్న తరువాత, కొందరు మెడికల్ రిప్రజెంటేటివ్లు ముందుగా కలిసారు.
ఆ సమయంలో ఒక దంపతులు తమ శిశువుతో పరీక్ష కోసం క్లినిక్కి వచ్చారు. వారితో పాటు వారి బంధువైన గోకుల్ ఝా కూడా వచ్చారు. ఝా అపాయింట్మెంట్ లేకుండానే డాక్టర్ రూంలోకి వెళ్లేందుకు ప్రయత్నించగా, సోనాలి “డాక్టర్ బిజీగా ఉన్నారు, దయచేసి బయట వేచి ఉండండి” అంటూ చెప్పింది.
దీనితో గోకుల్ ఝా ఆగ్రహంతో అవమానకరంగా మాట్లాడడం మొదలుపెట్టారు. సోనాలి తగిన బుద్ధి చెప్పగా, అతను బయటకు వెళ్లి తిరిగి వచ్చి, తలపైకి కొట్టడం, తన్నడం, జుట్టు పట్టుకుని లాగడం వంటి దాడికి పాల్పడ్డాడు.
క్లినిక్లో ఉన్నవారు జోక్యం చేసుకుని కాపాడారు
దాడిని చూసిన ఇతర పేషెంట్లు, డా. అనికేత్ పాలాండే వెంటనే జోక్యం చేసుకుని సోనాలిని రక్షించారు. అనంతరం సోనాలి మన్పాడా పోలీస్ స్టేషన్ లో ఫిర్యాదు చేశారు.
పోలీసుల ప్రకటన:
పోలీసులు మాట్లాడుతూ…
“బాధితురాలి ఫిర్యాదు ఆధారంగా, నిందితుడు గోకుల్ ఝాపై భారతీయ న్యాయ సంహిత (Bharatiya Nyay Sanhita) ప్రకారం, మహిళా గౌరవాన్ని చెరిపివేయడం, దౌర్జన్యం, అసభ్య పదజాలం వాడటం మొదలైన సెక్షన్ల కింద FIR నమోదు చేశాం,” అని పేర్కొన్నారు.
ఇప్పటి వరకు నిందితుడిపై ఎలాంటి అరెస్ట్ జరగలేదు, కానీ కేసును వేగంగా విచారిస్తున్నామని పోలీసు అధికారులు వెల్లడించారు.
సోషల్ మీడియాలో ఆగ్రహం
ఈ దాడికి సంబంధించిన వీడియో వైరల్ కావడంతో నెటిజన్లు తీవ్రంగా స్పందిస్తున్నారు. “ఒక మహిళా ఉద్యోగిని కేవలం తన బాధ్యతను నిర్వర్తించినందుకు ఇలాంటి హింసకు గురిచేయడమేంటీ?” అంటూ ప్రజలు ప్రశ్నిస్తున్నారు. పోలీసులు నిందితుడిని వెంటనే అరెస్ట్ చేయాలని, మహిళా భద్రతపై ప్రభుత్వమూ, క్లినిక్ యాజమాన్యమూ బాధ్యత తీసుకోవాలంటున్నారు.
బాధితురాలికి న్యాయం జరగాలని, నిందితుడిపై కఠిన చర్యలు తీసుకోవాలని ప్రజల డిమాండ్.
మహారాష్ట్ర, కళ్యాణ్ సిటీ లోని ఓ ప్రైవేట్ క్లినిక్లో క్యూ లో దూరకండి అని చెప్పినందుకు రిసెప్షనిస్ట్ పై దారుణంగా దాడి చేసిన పేషెంట్ బంధువులు pic.twitter.com/ym7HDYjUvv
— greatandhra (@greatandhranews) July 23, 2025
Acer Super ZX 5G – బడ్జెట్లో ప్రీమియం ఫీచర్స్!
ధర: ₹10,999 (45% తగ్గింపు)
⚡ 120Hz FHD+ డిస్ప్లే
Sony 64MP AI కెమెరా
Dimensity 6300 ప్రాసెసర్
5000mAh ఫాస్ట్ ఛార్జింగ్ బ్యాటరీ
6GB RAM + 128GB స్టోరేజ్
Netflix/Prime కోసం L1 సర్టిఫికేషన్
డ్యూయల్ సిమ్ 5G
₹900 కూపన్, No Cost EMI
స్టైలిష్ లుక్. పవర్ఫుల్ ఫీచర్స్.
ఇప్పుడు ఆర్డర్ చేయండి!
Colour: Cosmic Green
https://amzn.to/45664xH లింక్ క్లిక్ చేయండి…
