భారత్, ఆస్ట్రేలియా మధ్య టీ20 సిరీస్ ముగిసింది. 4-1 తేడాతో సిరీస్ను టీమిండియా కైవసం చేసుకుంది. ఇప్పుడు భారత్ తదుపరి లక్ష్యం దక్షిణాఫ్రికా. మూడు టీ20ల సిరీస్, మూడు వన్డేలు, రెండు టెస్టుల సిరీస్లో పాల్గొనేందుకు భారత క్రికెట్ జట్టు దక్షిణాఫ్రికాకు వెళ్లనుంది. భారత్-దక్షిణాఫ్రికా సిరీస్ డిసెంబర్ 10న డర్బన్లో ప్రారంభం కాగా, ఫైనల్ జనవరి 3 నుంచి 7, 2024 వరకు కేప్ టౌన్లో జరగనుంది. ముఖ్యంగా రెండేళ్ల తర్వాత టీమిండియా దక్షిణాఫ్రికా పర్యటనకు వెళ్లనుంది. ఈ ముక్కోణపు సిరీస్ కోసం బీసీసీఐ ఇప్పటికే భారత జట్టును ప్రకటించింది. మూడు విభిన్న ఫార్మాట్లకు ముగ్గురు వేర్వేరు కెప్టెన్లను ఎంచుకున్నారు. టీ20కి సూర్యకుమార్, వన్డేలకు కేఎల్ రాహుల్, టెస్టుకు రోహిత్ శర్మ కెప్టెన్గా ఉన్నారు. అయితే భారత్-దక్షిణాఫ్రికా సిరీస్ ఎప్పుడు మొదలవుతుంది..?, ఎప్పుడు..? లైవ్ టెలికాస్ట్ ఎక్కడీ పూర్తి సమాచారం కోసం ఇప్పుడు తెలుసుకుందాం.. భారత్-దక్షిణాఫ్రికా టీ20 సిరీస్: తొలి టీ20 డిసెంబర్ 10న డర్బన్లోని కింగ్స్మీడ్లో జరగనుంది. డిసెంబర్ 12న రెండవ, సెయింట్ జార్జ్ పార్క్, గ్కెబెర్హాలో జరగనుండగా, చివరి టీ20 డిసెంబర్ 14న జోహన్నెస్బర్గ్లోని న్యూ వాండరర్స్ స్టేడియంలో జరగనుంది. మూడు టీ20లు రాత్రి 9:30 గంటలకు ప్రారంభమవుతాయి. సిరీస్: డిసెంబర్ 17: మొదటి – న్యూ వాండరర్స్ స్టేడియం, జోహన్నెస్బర్గ్లో జరుగుతుంది. డిసెంబర్ 19న 2వ వన్డే సెయింట్ జార్జ్ పార్క్, గ్కెబెర్హా, డిసెంబర్ 21న 3వ వన్డే బోలాండ్ పార్క్, పార్ల్. కాగా, తొలి వన్డే 1:30 గంటలకు ప్రారంభమవుతుంది. తదుపరి రెండు మ్యాచ్లు సాయంత్రం 4:30 గంటలకు ప్రారంభమవుతాయి. టెస్ట్ సిరీస్: మొదటి టెస్ట్ మ్యాచ్ డిసెంబర్ 26-30 వరకు సెంచూరియన్లోని సూపర్స్పోర్ట్ పార్క్లో జరుగుతుంది. జనవరి 3-7: రెండో టెస్టు కేప్టౌన్లోని న్యూలాండ్స్లో జరగనుంది. 17వ తేదీన బాక్సింగ్ డే టెస్ట్ మధ్యాహ్నం 1:30 గంటలకు ప్రారంభమవుతుంది. ఇక న్యూ ఇయర్ టెస్ట్ కేప్ టౌన్లో మధ్యాహ్నం 2:00 గంటలకు మొదలుకానుంది. ఇండియా వర్సెస్ సౌత్ ఆఫ్రికా మ్యాచ్లు భారతదేశంలోని స్టార్ స్పోర్ట్స్ నెట్వర్క్లో ప్రత్యక్ష ప్రసారం కానున్నాయి. డిస్నీం హాట్స్టార్ మ్యాచ్లను ఆన్లైన్లో ప్రత్యక్ష ప్రసారం చేస్తుంది.
భారత టీ20 జట్టు: యశస్వీ జైస్వాల్, శుభ్మన్ గిల్, రుతురాజ్ గైక్వాడ్, తిలక్ వర్మ, సూర్యకుమార్ యాదవ్ (కెప్టెన్), రింకూ సింగ్, శ్రేయాస్ అయ్యర్, ఇషాన్ కిషన్ (వికెట్ కీపర్), జితేష్ శర్మ (వికెట్ కీపర్), రవీంద్ర జడేజా (వైస్ కెప్టెన్), వాషింగ్టన్ సుందర్, రవి బిష్ణోరు, కుల్దీప్ యాదవ్, అర్షదీప్ సింగ్, మహ్మద్ సిరాజ్, ముఖేష్ కుమార్, దీపక్ చాహర్. భారత వన్డే జట్టు: రుతురాజ్ గైక్వాడ్, సాయి సుదర్శన్, తిలక్ వర్మ, రజత్ పాటిదార్, రింకూ సింగ్, శ్రేయాస్ అయ్యర్, కేఎల్ రాహుల్ (కెప్టెన్-వికెట్ కీపర్), సంజు శాంసన్ (వికెట్ కీపర్), అక్షర్ పటేల్, వాషింగ్టన్ సుందర్, కుల్దీప్ యాదవ్, యుజ్వేంద్ర చాహల్ ముఖేష్ కుమార్, అవేష్ ఖాన్, అర్ష్దీప్ సింగ్, దీపక్ చాహర్. భారత టెస్టు జట్టు: రోహిత్ శర్మ (కెప్టెన్), శుభమన్ గిల్, యస్సవి జైస్వాల్, విరాట్ కోహ్లీ, శ్రేయాస్ అయ్యర్, రుతురాజ్ గైక్వాడ్, ఇషాన్ కిషన్ (వికెట్ కీపర్), కేఎల్ రాహుల్ (వికెట్ కీపర్), రవిచంద్రన్ అశ్విన్, రవీంద్ర జడేజా, శార్దూల్ ఠాకూర్, మహ్మద్ సిరాజ్ , ముఖేష్ కుమార్, మహ్మద్ షమీ (ఫిట్నెస్ ఆధారంగా), జస్ప్రీత్ బుమ్రా (వైస్ కెప్టెన్), ప్రసిద్ధ్ కృష్ణ
క’న్నీట’ చెన్నై .. హృదయవిదారక వీడియోలు
తెలంగాణ ప్రజలకు కృతజ్ఞతలు: కేటీఆర్ ట్వీట్
