Punam pandey నేను చ‌నిపోలేదు.. ఇదంతా నాట‌క‌మంతే.. క్యాన్స‌ర్‌పై అవ‌గాహ‌న‌కోస‌మే..

బాలీవుడ్‌ మోడల్‌, హీరోయిన్‌ పూనమ్‌పాండే శుక్రవారం హఠాన్మరణం చెందిన‌ట్టు వార్త‌లొచ్చాయి. కొన్నాళ్లుగా గర్భాశయ క్యాన్సర్‌తో బాధపడుతున్న ఆమె శుక్ర‌వారం ఉదయం తుది శ్వాస విడిచిన‌ట్టు వార్త‌లు వైర‌ల‌య్యాయి.. దీనిపై కొంత‌మంది నెటిజ‌న్లు అనుమానం కూడా వ్య‌క్తం చేశారు. శ‌నివారం పూన‌మ్ పాండే ఇన్‌స్టా వేదిక‌గా ఓ వీడియో రిలీజ్ చేశారు. తాను బ‌తికే ఉన్నాన‌ని అందులో చెప్పారు. చాలా మంది స‌ర్వైక‌ల్ క్యాన్స‌ర్ తో మృతి చెందుతున్న‌ట్టు చెప్పారు. ఈ క్యాన్స‌ర్‌పై అవ‌గాహ‌న కల్పించేందుకే తాను హ‌ఠ‌న్మార‌ణం చెందాన‌ని ఇన్‌స్టా వేదిక‌గా పోస్ట్ పెట్టిన‌ట్టు తెలిపారు. క్యాన్స‌ర్ పై చాలా మంది కి అవ‌గాహ‌న లేద‌న్నారు. తన చావు నాట‌కంతోనైనా అవ‌గాహ‌న క‌ల్పించాల‌ని ఇలా చేసిన‌ట్టు చెప్పుకొచ్చారు. దీనిపై నెటిజ‌న్లు అగ్ర‌హం వ్య‌క్తంచేశారు. అవగాహ‌న కల్పించాలంటే మంచిగా చెప్పాలి కానీ ఇలా చనిపోయిన‌ట్టు ప్ర‌క‌టించ‌డం ఏంట‌ని ప్ర‌శ్నిస్తున్నారు.