తేదీ: 12 ఫిబ్రవరి 2026, గురువారం
వేదిక: మధురానగర్ (గంగాధర గ్రామం), కరీంనగర్ జిల్లా
రిజర్వ్ బ్యాంక్ ఆఫ్ ఇండియా (RBI) పిలుపు మేరకు ఫిబ్రవరి 9 నుండి 13 వరకు నిర్వహిస్తున్న “ఆర్థిక అక్షరాస్యత వారం” వేడుకల్లో భాగంగా, కరీంనగర్ జిల్లా గంగాధర మండలం మధురానగర్లో ఘనంగా వాకథాన్ నిర్వహించారు. “KYC – మీ బ్యాంక్ ఖాతాను సురక్షితంగా ఉంచుకోవడంలో మొదటి అడుగు” అనే ప్రధాన థీమ్తో ఈ కార్యక్రమం జరిగింది.
వాకథాన్ను ప్రారంభించిన ఆర్బీఐ జనరల్ మేనేజర్
జిల్లా కలెక్టర్ శ్రీమతి పమేలా సత్పతి ఆదేశాల మేరకు ఏర్పాటు చేసిన ఈ వాకథాన్ను ఆర్బీఐ జనరల్ మేనేజర్ శ్రీ ముత్యాల జ్ఞాన సుప్రభాత్ గారు జెండా ఊపి ప్రారంభించారు.
ముఖ్య అతిథి ప్రసంగం – కీలక సూచనలు:
ఈ సందర్భంగా జ్ఞాన సుప్రభాత్ గారు మాట్లాడుతూ, బ్యాంక్ ఖాతాదారులు పాటించాల్సిన పలు భద్రతా ప్రమాణాలను వివరించారు:
-
KYC అప్డేట్: ప్రతి ఖాతాదారుడు తమ కేవైసీ (KYC) వివరాలను ఎప్పటికప్పుడు అప్డేట్ చేసుకోవాలి. ఆధార్, పాన్ కార్డులలో పేరు, పుట్టిన తేదీ, చిరునామా బ్యాంక్ రికార్డులతో సరిపోలాలి అని అన్నారు.
-
CKYC నంబర్: వినియోగదారులు తమ రిజిస్టర్డ్ మొబైల్ నంబర్ నుండి 7799022129 కు మిస్డ్ కాల్ ఇవ్వడం ద్వారా సులభంగా తమ CKYC నంబర్ను తెలుసుకోవచ్చు అని అన్నారు.
-
సైబర్ మోసాల పట్ల అప్రమత్తత: కేవైసీ పేరుతో వచ్చే అపరిచిత ఫోన్ కాల్స్, ఆన్లైన్ లింక్ల పట్ల జాగ్రత్తగా ఉండాలి. OTPలు, ATM పిన్లు, నెట్ బ్యాంకింగ్ పాస్వర్డ్లు ఎవరికీ చెప్పకూడదన్నారు.
-
మనీ మ్యూల్ ముప్పు: మీ బ్యాంక్ ఖాతాలను ఇతరుల లావాదేవీల కోసం వాడనీయకండి. అలా చేస్తే మిమ్మల్ని ‘మనీ మ్యూల్’గా పరిగణించి చట్టపరమైన చర్యలు తీసుకునే అవకాశం ఉందన్నారు.
-
ఫిర్యాదు: ఏదైనా సైబర్ మోసం జరిగిన వెంటనే 1930 నంబర్కు కాల్ చేసి ఫిర్యాదు చేయాలి అని చెప్పారు.
ప్రభుత్వ బీమా పథకాలపై అవగాహన
ప్రజలందరూ కేంద్ర ప్రభుత్వ సామాజిక భద్రత పథకాలైన ప్రధాన మంత్రి జీవన్ జ్యోతి బీమా యోజన (PMJJBY) మరియు ప్రధాన మంత్రి సురక్ష బీమా యోజన (PMSBY) లలో చేరాలని, ఇవి తక్కువ ప్రీమియంతో ఎక్కువ రక్షణ కల్పిస్తాయని సూచించారు.
కార్యక్రమంలో పాల్గొన్న ప్రముఖులు:
ఈ కార్యక్రమంలో ఆర్బీఐ ఏజీఎం యశ్వంత్, డీఆర్డీఓ పీడీ వి. శ్రీధర్, జిల్లా లీడ్ బ్యాంక్ మేనేజర్ (LDM) ఆంజనేయులు, ఎస్బీఐ ఏజీఎం వెంకటేష్, కేడీసీసీ బ్యాంక్ సీఈఓ ఎన్. సత్యనారాయణరావు, గంగాధర ఎంపీడీఓ శ్రీ రాము, సర్పంచ్ భాస్కర్, బ్యాంక్ మేనేజర్లు, ఎఫ్.ఎల్.సి కౌన్సెలర్లు, విద్యార్థులు మరియు స్థానిక ప్రజా ప్రతినిధులు పాల్గొన్నారు.
