Bangalore Konakunte Crime News” ప‌టాకులు పేలుతున్న పెట్ట‌పై కూర్చోవాలి.. స‌వాల్ స్వీక‌రించి.. తుదిశ్వాస విడిచాడు.. సీసీ వీడియో

Bangalore Konakunte Crime News” దీపావ‌ళి పండుగ అంటేనే ప‌టాకులు, క్రాక‌ర్స్ కాల్చుకోడం. కానీ శ్రుతిమించితే అది విషాదంగా మారుతుంది. ఏడుగురు స్నేహితులు దీపావ‌ళి సంద‌ర్భంగా అక్టోబ‌ర్ 31న రాత్రి పటాకులు కాల్చుతున్నారు. ఏడుగురు స్నేహితులు మద్యం మత్తులో ఉన్నారు. ఈ క్ర‌మంలో దక్షిణ బెంగళూరులోని కోననకుంటెలో నివాసముంటున్న శబరి ఎం (32) అనే యువ‌కుడికి మిగిలిన‌ ఆరుగురు యువ‌కులు స‌వాల్ విసిరిన‌ట్టు తెలుస్తున్న‌ది. స‌వాల్ ప్ర‌కారం.. భారీ మొత్తంలో ఉన్న ప‌టాకుల‌ను ఓ పెట్ట కింద పెట్టారు. ఆ పెట్టేపై కూర్చొంటే ఆటో రిక్షా ఇప్పిస్తామ‌ని చెప్పిన‌ట్టు తెలుస్తున్న‌ది. ఒక‌వేళ కూర్చోలేక‌పోతే ప‌ట్ట‌ణంలో వ‌ద‌లిపోవాల‌ని ష‌ర‌త్తు విధించిన‌ట్టు తెలుస్తున్న‌ది. దీంతో శ‌బ‌రి ఆ పెట్ట‌పై కూర్చోగానే మిగిలిన స్నేహితులు దూరంగా వెళ్లారు. కొద్దిసేప‌టికి పెట్టే పేలి శ‌బ‌రి తీవ్రంగా గాయ‌ప‌డ్డారు. దీంతో శ‌బ‌రిని స‌మీపంలోని ద‌వాఖానాకు త‌ర‌లించారు. చికిత్స పొందుతూ ఆదివారం తుదిశ్వాస విడిచారు. దీనిపై కేసు న‌మోదు చేసుకున్న‌పోలీసులు ద‌ర్యాప్తు చేస్తున్నారు. ఈ ఘ‌ట‌న స‌మీపంలోని సీసీ కెమెరాల్లో రికార్డు అయ్యింది. ఈ వీడియో నెట్టింట వైర‌ల్‌గా మారింది.

#Bengaluru: Prank Ends in Tragedy

A 32-year-old man, Shabarish, lost his life in Konanakunte, South Bengaluru, after sitting on a box of #firecrackers that exploded beneath him. His friends had dared him, promising to buy him an autorickshaw if he accepted the risky challenge. pic.twitter.com/WakGZ1S66F

— Glint Insights Media (@GlintInsights) November 4, 2024